NRK Meny

Earát maid háliidit fállat ruvtto

Maiddái eará skiipafitnodagat go Hurtigruten háliidivččii fállat beaivválaš ruvtto norggarittu mielde. Nu čállá johtalusdepartemeantta preassadieđáhusas. Buot vejolaš fanasruvttofállit hástojuvvojit gulahallat departemeanttain lagabuidda dán hárrái. Otná šiehtadus Hurtigruteniin nohká 2020:s, ja eiseválddit áigot almmuhit ođđa áigodaga buori áiggis ovdal go šiehtadus nohká. Johtalusdepartemeantta Ketil Solvik-Olsen lohká ahte lea dehálaš ahte šaddá gilvu dán fálaldagas.