Oahpakeahtes oahpaheaddjit lassánit

Finnmárkku vuođđoskuvllain lassána oahpakeahtes oahpaheaddjiid lohku.  Nu čájehit Finnmárkku Fylkkamánne logut.

Illustrasjonsfoto: Scanpix
Foto: Scanpix / SCANPIX

 Vuođđoskuvllain Finnmárkkus leat lagabui 3 proseantta oahpaheaddjiin oahpaheaddji oahpu haga.

Lohku lea dalle beali stuorát go diibmá.

- Riddoguovllu skuvllain váilot eanemus oahppanoahpaheaddjit, lohká Finnmárkku oahpahusdirektevra Trygg Jakola.

  GULDAL: Oahpakeahtes oahpaheaddjit

Láhpis váilot 18% 

Go sáhka lea oahpaheaddjiin geain ii leat oahpaheaddji oahppu, de lea Láhppi bajimuččas ja dasto čuvvot Davvenjárga, Gángaviika ja Várggát.

Priváhta skuvllain vel alit

Jus váldá mielde priváhta skuvllaid, de boahtá Deanus Montesorri skuvla hui alás listtas, go doppe leat 40% oahpaheaddjiin dohkkálaš oahpahusa haga.

Álttá Kristtalaš vuođđoskuvlla logut čájehit gis ahte doppe váilot 11% olles oahppan oahpaheaddjit.

Sis-Finnmárkku gielddain buoret dilli

Sihke Kárášjoga ja Guovdageainnu vuođđoskuvllain leat buohkat ollesoahppan oahpaheaddjit, čájehit logut.