NRK Meny
Normal

Eanet jumežat riegádit

Dutki Anne Tandberg oaivvilda buoiddit olbmot, sahkanahttinpillát ja boarrasat eatnit, leat čilgehussan dasa go dál riegádit eanet jumežat go goas ge ovdal.

Tvillinger, baby
Foto: ScanStockPhoto

Logut Norgga riegádahttinregisteris čájehit ahte jahkásaččat riegádit 60 duhát máná Norggas, ja lagabui 2 proseantta sin gaskkas leat jumežat.

1988 rájes lea jumežiid riegádandávjodat lássánan, lohká Tandberg.

Veahkkeneavvut sivvan

Nissonat ožžot mánáid maŋŋelis dál go ovdal, ja go leat eambbo 35 jagi boarrásat, de lea sis bealgoalmmát gearddi stuorát vejolašvuohta oažžut jumežiid go nuorat etniin geat leat 20 jagi.

Logut čájehit maid ahte sahkanahttinveahkkeneavvuid vuovdin, nu go Pergotime, lea 15 geardde lassánan 1972:s 2004: rádjai, dieđiha ođasdoaimmahat NTB.