Eananeaiggádat ja Ruhvten Sijte


30 Härjedalena eananeaiggáda ruoŧabeal, deaivvadit dál Ruvhten Sijte boazoeaiggádiiguin hoavvarievttis. Eananeaiggádat gáibidit 100 000 ruvnnu juohke beaivvi ovddas go Ruvhten Sijte bohccot guhtot sin eatnamiid.

Ovcci jagi áigi stevdnejedje golbmalogi Härjedalena eananeaiggáda čearu ja vuite Härjedalen diggeášši, ja danne oaivvildedje alddiineaset vuoigatvuođa gáibidit mávssu jus bohccot guhtot sin eatnamiid.

Diggeriekti celkkii ođđajagimánus ahte boazoeaiggádat eai galgga nie stuorra buhtadusa máksit jus soames boazu manná priváhtta eatnamiidda. Odne álggii ášši Staares hoavvarievttis, ja šiehtadallamat bistet vihtta beaivve.