Hopp til innhold

Eanandoallo­ministtar NBR riikka­čoahkkimii

Norgga Boazosápmelaččaid Riikkasearvvi (NBR) riikkačoahkkin lágiduvvo Plaassjas Trøndelága fylkkas bearjadaga ja lávvardaga.

Bearjadaga galgá eanandoalloministtar Geir Pollestad ovdanbuktit ráđđehusa boazoealáhusa ja energiija doaibmapáhka, mas fáddán lea areála ja boraspiret.

Riikkačoahkkin oažžu vejolašvuođa gažadit ja kommenteret ministara ovdanbuktima.

Dan čállá Ávvir.

Landbruksminister Geir Pollestad
Foto: Lars Tore Endresen / NRK

Korte nyheter

  • Ruoŧa rávdu oažžu suodjaluvvon geográfalaš nammadeami EU:s

    Dál oažžu Ruoŧa rávdu suodjaluvvon geográfalaš nammadeami EU:s.

    EU lea merken nu gohčoduvvon Lappi rávddu Ruoŧas suodjaluvvon, guvlui čadnojuvvon borramuššan. Nammadeapmi ja mearka dárkkuha dan, ahte rávddus lea alla kvalitehta.

    Rávddut šaddaduvvojit Arjeplogsa, Árvidsjávrri, Lycksele, Vilhelmina ja Åsele duottarčázádagain ja maiddái Malå suohkanis.

    Rávdu lea dál dovddus suodjaluvvon buktagiid gaskkas, nugo mat šampanja ja parmesanavuostá, čállá Ruoŧa Livsmedelsverket.

  • Guovžžat laskan Anára ja Bahčaveaji guovllus

    Suoma meahcce- ráđđehus lea jagiid čuvvon guovžžaid meari Anára ja Bahčaveaiguovllus.

    Dál leat guovllus 22 guovžža, almmustahttojuvvon dieđuid mielde.

    Dat lea logi eanet maid ovddeš dutkamušain leat gávdnan. Guovžžaid meari leat dutkan čoaggimin guolgaduhkuid, čállá Meahciráđđehus dieđáhusas.

    Hannbjørn besøker hårfelle i Pasvikdalen sommeren 2023.
    Foto: Viltkamera / Jan Helmer Olsen
  • Temperatuvraolahusa Svalbárddas

    Geassemánus mihtidii mihtidanstašuvdna Svalbárdda girdišiljus alimus gaskamearálaš temperatuvrra dan rájes go registreremat álge measta 50 jagi áigi.

    Geassemánus registrerii mihtidanstašuvnna gaskamearálaš temperatuvrra 6,1 gráda. Dat lea 2,5 gráda badjel dan mii lea dábálaš ja lieggaseamos geassemánnu mii lea registrerejuvvon mihtidanstašuvnnas, čállá Svalbardposten.

    – Dat leat duođaš logut, lohká meteorologalaš konsuleanta Torgeir Mørk girdišiljus.

    Lea son gii lea addán dálkestatistihka mii čájeha temperatuvrra rievdama.

    Boares rekorda 2022 rájes lei 6,0 gráda.

    Longyearbyen, Svalbard
    Foto: Aslaug Elisabeth Høgsæt Aarsæther / NRK