NRK Meny
Normal

Eanan fierran geainnu guora

Geaidnu sáhttá giddejuvvot.

Jordras ved Tana.

Dákko lea mielli fierran.

Foto: Oscar Henrik Biti Næss / NRK

Áhkusavvonis lea mielli fierran nu láhka E-6 geainnu ahte geaidnu sáhttá giddejuvvot.

Geaidnodoaimmahat lea jođus báikái árvvoštallat giddejit go geainnu mii lea Kárášjoga ja Deanu gaskkas.

NRK reportár Oscar Næss Biti muitala báikkis ahte eanan lea fierran dušše 2 gitta 3 mehtera vuolábeale geainnu. Áhkusávvon lea sullii golbma miilla nuortabeale Kárášjoga.

Laster kart, vennligst vent...

Áhkusávonis, Ahkguoikka láhka lea eanan fierran johkii.

Seija Guttorm lei láhkosis go eana fierai.

– Mu mielas orru dát váralaš go lea fierran dušše moadde mehtera eret geainnus, dadjá Seija Guttorm, ja čujuha dasa gokko lea fierran.

Son ballá ahte lossa mohtorvuojánat ja arvi sáhttá dagahit ahte ain eambo fierrá.

– Dál lea dehálaš ahte báiki sihkkarasto vai ii luoitte eambo eatnama. Jus nu dahká de gal gahčá geaidnu maid, dadjá Guttorm.

Seija Guttorm

Seija Guttorm ballá ahte geaidnu maid sáhttá fierrat.

Foto: Oscar Henrik Biti Næss / NRK

Giddejit geainnu jus arvvit jotket

Stáhta geaidnodoaimmahaga dárkkistaninšenevrra Ronny Salamonsen lea fitnan báikkis ja son dadjá ahte sii árvvoštallet giddet geainnu jus arvvit jotket.

– Eai leat go darffit mat leat gahččan ja danin ii leat nu duođalaš geaidnojohkaláhkii, muhto mii dieđus ge atnit čalmmis asfáltá jus arva eanet.

Árvvoštallabehtetgo giddet geainnu?

– Mii árvvoštallat giddet geainnu jus fal eanet luoitá mii dahká dan ahte mii fertet divvugoahtit geainnu, muhto nugo dat dál lea de eat áiggo giddet dan, lohká son.