Son lei bassámen guosselanjáid bearraša guossedálu nuppi gearddis go álggii japmát ja doarggistit.
– Jurddašin ahte muhtun dat lea traktuvrrain vuodjimen čađa seainni, nu garrasit dat doarggistii, muitala son.
Son viehkalii vulos geahččat, ii oaidnán máidege.
Doarggistii moadde minuvttá
Su mielas doarggistii eana gaskal guokte ja golbma minuvttá, son ollii goit viehkat vulos bajas rahppáid ja iskat mii oktiibuot dáhpáhuvva.
– Dađistaga ipmirdin ahte lea eanadoarggástus, lohka Holmestrand. Su guossit suorganedje maid ja soames sis jurddašii toga dat vuodjá guovdu Finnmárkku, earát ges doivo juoga dat bávkaluvvui.
Maiddái Mázes, Čoavddatmohkkis ja Šuoššjávrris vásihedje dan seammá lávvordaga máŋŋelgaskabeaivvi.
