Eamiálbmotgielaid jahki: 1,1 mill.

Ráđđehus árvala 1,1 miljovnna ruvnno Sámediggái čalmmustahttit Riikkaidgaskasaš eamiálbmotgielaid jagi 2019. Sámediggepresideanta Aili Keskitalo mielas lea buorre go ráđđehus juolluda ruđa Sámediggái giellajagi bargguid ovddidit ja čalmmustahttit. – Muhto mus lea vuordámuš ahte ráđđehus ieš maid aktiivvalaččat bargá eamiálbmotgielaid seailluhemiin, dadjá Keskitalo.

Ovttastuvvan Našuvnnat (ON) lea mearridan ahte 2019:s galgá biddjot earenoamáš fuomášupmi eamiálbmotgielaide, danne go dat leat garrasit áitojuvvon gielat.

Aili Keskitalo utenfor Universitetet i Oslo
Foto: Mattis Sara Wilhelmsen / NRK