– Eat leat maŋŋonan

Sámiid Álbmotlihttu (SFF) dáhttu vuđolaš digaštallama eamiálbmotdivada birra iežaset riikkačoahkkimis Skáiddis miessemánus.

Hjørdis Nilsen
Foto: Ánne Olli / NRK

GULDAL: Digaštallet minerálamávssu

– Dán áššis ii leat vel mearridan maidege loahpalaččat, danin lea Sámiid Álbmotlihttui lunddolaš dan váldit riikačoahkkin áššin, lohká lihtu nubbejođiheaddji Hjørdis Nilsen.

Nubbin stuorámus sámi organisašuvdna Sámiid Álbmotlihttu ii leat vel makkárge cealkámuša buktán áššái go Sámediggi gáibida oažžut divatmávssu minerálaroggamiid ovddas, ja go gáibidit beassat dohkkehit minerálaroggamiid olles sámi guovllus.

Miessemánus riikačoahkkin

Sis eai áirasat Sámedikkis, muhto válljejit leat mielde sámi servvodatdigáštallamis ja fertejit nu váldit stuorra áššiid ovdan stivrras, ja riikačoahkkimis. Miessemánu álggus deaivvada lihttu riikačoahkkimii Skáidái Finnmárkui.

Sápmi ja Lappland

– Riikkačoahkkimis áigut maid digaštallat Sápmi ja Lappland sániid geavaheami birra. Maiddái mearráguolásteddjiid bivdoáiggiid áigot váldit ovdan doppe, lohká Hjørdis Nilsen.

Oanehaččat

  • Ieža vuorohit dearvvašvuođa

    Norgga Eanandoallominister Jon Georg Dale lohká ahte boazodoalloealáhusas fertejit ieža vuorohit dearvvašvuođa dili jus sii dan dáhttut buoredit. Norgga Boazosámiid riikasearvi, NBR, lea aitto almmuhan guorahallama mas boahtá ovdan ahte lagabui 70 proseantta boazodoallin leat bargan buoza. Dale gii dán vahko galleda sámi, čujuha boazodoallošiehtadussii ja lohká dás lea vejolaš boazodoalus šiehttat ráđđehusain mot vuorohit ruđaid.

  • Juolluda ruđaid ođđa stuoluide

    Norgga Sámediggeráđđi juolluda 300.000 kruvnno oastit ođđa stuoluid teáhtersálii man Beaivváš sámi nationálateáhter geavaha Guovdageainnu suohkana kulturvisttis. Dálá stuolut leat nu billašuvvan ahte geahččit eai sáhte daid geavahit. Ráđđi cealká ahte ođđa stuolut dálá teáhtersálii sáhttá addit buoriduvvon bargoeavttuid sámi nationálateáhterii.

Laster Twitter-innhold

På forsiden av NRK Sápmi nå