NRK Meny
Normal

Makkár ávki lea eamiálbmot julggaštusas leamaš sápmelaččaide?

Vars mieđiha ahte dat lea váttis mihtidit eamiálbmot julggaštusa mearkkašumi sápmelaččaide.

Visepresidenten i Sametinget, Laila Susanne Vars.

Árjja bellodaga ovddeš várrepresideantta Sámedikkis, Laila Susanne Vars.

Foto: Dan Robert Larsen / NRK

Norgga našunála olmmošvuoigatvuođa institušuvnna fágajođiheaddji Laila Susanne Vars oaivvilda ahte davviriikkat livčče sáhttit vuhtiiváldit julggaštusa buorebut go dan rádjai leat dáhkan.

– Dat lea váttis vuohttit davviriikkain movt dát (julggaštus, journ. anm) lea váikkuhan sámi politihkkii ja sámi vuoigatvuođa dillái. Dat livččii buorre jus stáhta sáhtášii doaibmaplána riikka dássái ráhkadit, mii bijašii muhtun mihttomeriid, vai olbmot dihtet mainna lágiin Norga ja eará davviriikkat áigot čađahit dán álgoálbmot julggaštusa, dadjá Vars.

10 jagi ávvubeaivi

Ikte lei ávvubeaivi riikkaidgaskasaš eamiálbmogiin, go dat lea juste logi jagi áigi go ONa sajáidahti dán beaivvi eamiálbmotbeaivin.

Guldal eanet maid ONa permaneantta foruma vuosttáš jođiheaddji Ole Heandarat Magga ja Norgga našunála olmmošvuoigatvuođa institušuvnna fágajođiheaddji Laila Susanne Vars muitaleaba ONa eamiálbmotbeaivvi mearkkašumi birra ja makkár mearkkašupmi lea eamiálbmot julggaštusas leamaš sápmelaččaide.

ON permaneantta foruma vuosttáš jođiheaddji Ole Heandarat Magga ja Norgga nášunala olmmošvuoigatvuođa institušuvnna fágajođiheaddji Laila Susanne Vars čilgeba Eamiálbmotbeaivvi mearkkašumi.