NRK Meny
Normal

Ealáskahttit juoiganbirrasa

Kárášjogas lea Arvedávgi, mii lea sámegielhállimánáid- ja nuoraid lávdedáiddaforum. Dál lea Arvedávgi oččodišgoahtán mánáid-ja nuoraid juoigat. Áigumus livččii ásahit juoiganbirrasa báikái.

Nuorra juoigit

Gurot rávddas Máret Hildur Stueng, Saia Marilene Stueng ja Sara Joks

Foto: Anne Olli / NRK

Gula juoigandeaivvadeamis

Gudrun Eliissa Eriksen Lindi

Gudrun Eliissa Eriksen Lindi

Foto: Anne Olli / NRK

Geahča nuorra juoigiid

Jouigalasaide dat lei deaivvadeapmi dá gieskat Kárášjogas. Arvedávgeforuma Gudrun Eliissá Eriksen Lindi muitala iežaset ná leat oččodišgohtán mánáid ja nuoraid beroštišgoahtit luđiin. Sii dáhtošedje nanosmahttit nuorra juoigiid, ja ráhkkanahttit sin álmmolaš juoigan doaluide.

Oahppat lagašolbmuid luđiid

Arvedávgesearvvis oaivvildit mánát ja nuorat galggašedje vánhemiiddisetguin ja fulkkiiguin searvat deaivvademiide gos oahpašedje juoigat iežaset fulkkiid luđiid. Čakčat áiggošii Árvedávgi lágidit vahkkoloahpakurssaid, gos vaikke bearrašat čoahkkanivčče juoigan deaivvadeapmái.

Oahpahit jiena geavahit

Juoigan- ja jietnageavahanoahpaheaddji Aslak Krokmo

Juoigan- ja jietnageavahanoahpaheaddji Aslak Krokmo

Foto: Anne Olli / NRK

Arvedávgi áigu lágidit čavččabeallái juoigan kurssaid, ja dalle fertejit maid oahpahit juoigiide mo jiena galget geavahit go juiget. Juoigan kursa lei sis maid dál galgan nuoraide, muhto dasa ii álgán oktage. Dán kursii lei sis oahpaheaddjin Aslak Krokmo, gii ieš lea oahppan juoigandáiddu čeahpes oahppan juoigiigiin.. Son livččii sáhttán oahpahit nuoraide iešguđetge jietnageavan vugiid.

Nuorra juoigit servet čakčii

Julius Mihkkal Eriksen Lindi

Julius Mihkkal Eriksen Lindi

Foto: Anne Olli / NRK

Juoigandeaivvadeamis ledje dál muhtin nuorra juoigit geat gal searvvašedje juoigankurssaide čakčii. Kurssa maid Kárášjoga kulturskuvla lei álggahan, dasa álggii dušše okta, ledje gal golbma eará vel dieđihan iežaset kursii, muhto eai boahtán. Dát kursa lei mánáide 9-13 rádjai. Nuoramus juoigi Arvedávggi deaivvadeamis lei Julius Mihkkal Eriksen Lindi. Deavvadeamis rohttehii son gáibmeádjás luođi.

Julius Mihkkal juoigá