NRK Meny

Eai sáhte hilgut

Guovdageainnu searvegotteráđis eai sáhte hilgut Norgga girkočoahkkima demokráhtalaš mearrádusa ja biehttalit oasi Guovdageainnu álbmogis boahtimis girkui. Nu dadjá Finnmárkku Bargiidbellodaga stuorradiggepolitihkkár, Helga Pedersen, ja ávžžuha girku dál čorget dili maŋŋil searvegotteráđi mearrádusa. Pedersen lohka mannán vahkkoloahpa Sápmi Pride doaluid duođaštan ahte homofiilla ja lesbiska sámiin lea nana doarjja Guovdageainnus.