NRK Meny

Eai oaččo dálkasiid rievttes áigái

Buohccit Deanus eai oaččo dálkasiid dalle go galggášedje, čájeha rápporta.

Pasient i Indre-Finnmark

Buobmága buohcciidsiida

Foto: Vanja Ulfsnes / NRK

Artikkelen er flere år gammel.

Jagis 2011 borgemánu logut čájehit ahte boarrásat eai oaččo medisiinnaid rievttes áigái, ja sii maiddái gáhččet dávjá buohcciidruovttus go eai oaččo dan veahki máid galggášedje.

Dearvvašvuođa- ja sosiallávdegotti jođiheaddji, Laura Kjølås (SG) ii loga dán dili dohkkehahttin.

Son lea dáhtton diimmá rápportáid buot Deanu dearvvašvuođa guovddážiid birra. Vearrámus dilli lea Deanušálddi fuolahus ássanviesuin ja Buolbmága buohcciidsiiddas.

Oktiibuot 37 oktavuođas eai leat buohccit ožžon dálkasiid fuolahusviesuin Deanus, ja Buolbmága buohcciidsiiddas ges leat registreren ahte buohccit ja boarrásat leat gáhččan go ii leat veahkki láhkosis.

Soames háviid ges eai leat buohccit ožžon insulin-dálkasa, maid haga diabetes buohccit eai oba birgege.

Sivat váilevaš dikšui ja fuolahussii sáhttá leat go bargovuogádagat eai leat čuvvojuvvon, ja go ásahusain leat beare unnán bargit, oaivvilda Kjølås.

Gieldda mielas duođalaš

Rådmannen i Tana, Jørn Aslaksen tar avviksrapporten på alvor.

Deanu ráđđeolmmái, Jørn Aslaksen lohka iežaset mielas dán hui duođalažžan ja áigot buoridit dilálašvuođa.

Veahkkeráđđeolmmai Kjell Nilssen lohka Ođđásiidda ahte sii leat jo nannen dearvvašvuođa- ja fuolahusossodaga stuorra supmiin. Ruđat galget lasihit bargiid ja vai vahkkoloahpaid leat eanet olbmot barggus oktanaga.