Eai ožžon dieđu sirdima birra

Guovdageainnu suohkan ii fidnen makkárge dieđuid Biebmobearráigeahčus regiovdnakantuvrra sirdiimis, go jerre dan birra giđđat.

Mattilsynet
Foto: Åse Pulk/NRK
Hans Isak Olsen fra Fastboendes liste i Kautokeino

Guovdageainnu várresátnejođiheaddji, Hans Isak Olsen.

Foto: Liv Inger Somby / NRK

– Mu mielas lea ártet dál gullat ahte galget ođđa regiovdnakantuvrra dál ásahit Romsii ja soitet bargiid sirdit dán suohkanis, nu lohká Guovdageainnu várresátnejođiheaddji, Hans Isak Olsen.

Ikte dat muitalii NRK dan birra go Biepmobearráigeahčču lea nuppástuhttimin doaimma, unnideamen dálá gávcci regiovdnakantuvrra Norggas, viđa kantuvrii, mii mearkkaša ahte Suorttás ja Guovdageainnus eai šat galgga leat regiovdnakantuvrrat, muhto ásahit ođđa Davvi-Norgga kantuvrra Romsii.

Akademihkkariid váldoluohttámušolmmoš Bjørnar Jacobsen logai ahte nuppástuhttin ii daga ahte olbmot masset bargguid, muhto muhtimat gártet fárret.

– Árvalusas ásahit ođđa kantuvrra Romsii, mas vel galget ságastallat bargiiguin boahtteáigge birra, lohká Biepmobearráigeahčču direktevra Harald Gjein, gii ii loga ovttage cealkit eret.

Guovdageainnu várresátnejođiheaddji Hans Isak Olsen gullá ahte ii oktage galgga massit barggu, muhto dávjá lea duohtavuohta eará láhkai.

– Suohkan ii sáhte nu olu dahkat jus dat mearridit sirdit, muhto mun goit jurddašan vuosttažettiin ahte mii jođáneamos lágii mielde fertet váldit oktavuođa ja oaččut áibbas sihkkarit beavdde ala dan ahte mii dat dál lea maid sii oaivvildit. Ahte guđđet go sii Guovdageainnu áibbas, dadjá son.

  • Guldal ášši:
    Eai muitalan Guovdageidnui