NRK Meny

Eai ožžon čielga lohpádusaid

Sámediggi ii ožžon ikte makkár ge čielga lohpádusaid Stuorradikkis go finai gulaskuddamis stáhtabušeahta juolludemiid birra. Sámediggi deattuhii ahte guokte sámi ásahusa leat máŋgalot jagi jo vuordán albma viesu, nammalassii Saemien Sijte Snoasas ja Beaivváš sámi našunála teáhter. Ráđđehusa bušeahttaevttohusas eai leat várren ruđa dáid huksemiidda. Opposišuvnna bellodagat Sosialisttalaš gurutbellodat ja Guovddáš bellodat gal dakka maŋŋá čoahkkima dovddahedje ahte sii evttohit Saemien Sijtii huksenruđaid boahtte jagi stáhtabušeahtas. Ovdalis lea Gurutbellodat jo almmuhan ahte sii evttohit 10 miljovnna kruvnnu Saemien Sijte huksemii.