Hopp til innhold

Eai mávsse seamma olu vearu

Sii geat eai leat riegádan Norggas eai mávsse seamma olu vearu go olbmot geat leat riikkas riegádan. Nu boahtá ovdan Statistihkalaš Guovddášdoaimmahaga loguin, maidda NTB čujuha. Sisfárrejeaddjit mákse 2015:s gaskamearalaččat 65.200 kruvnno, earát ges 112.800 kruvnno. Čilgehus lea earret eará ahte sisfárrejeaddjit dávjjibut virgáduvvojit bargguide main lea vuollegaš bálkádássi. Ruoŧŧelaččat leat spiehkastagat. Sii mákse eanemus vearu sisfárrejeddjiid gaskkas; 111.000 kruvnno.

Korte nyheter

  • Njulgen boastut čállojuvvon šilttaid

    Dál lea Stáhta geaidnodoaimmat divvon dáid boastut čállojuvvon šilttaid Evenáššis, Nordlánddas. Šilttat leat čužžon masa vihta jagi. Várdobáikki sámi guovddáža báikenammalávdegoddi lea máŋgii cuiggodan dán ja dáhttun divvut dáid. Lávdegotte-jođiheaddji Gudmund Johnsen lea duhtavaš.

    – Dat orru hui vuogas, viimmat leat guldalan min. Dát lea leamaš lossa proseassa, go bohtet boastut čállojuvvon namat, seammás go báikenammalávdegoddi geahččala oažžut dáid riekta čállojuvvon, dadjá Johnsen.

    Lidaláddi / Liland
    Foto: Mathis Eira / NRK
  • Badjel 14 miljon ruvnnu oahpponeavvuide

    Sámediggi juolluda 14.366.000 ruvnnu ođđa oahpponeavvuide, čállá Sámediggi preassadieđáhusas.

    Dál buvttadišgohtet oahpponeavvuid lullisámegiel fágas 1. - 4. ceahkkái, julevsámegiel nubbingiellan vuođđooahpahussii ja davvisámegiella nubbingiellan joatkkaskuvladásis, čállá Sámediggi.

    – Lea dehálaš buvttadit oahpponeavvuid buot golmma sámegillii, dárbu ođasmahtton ja áigeguovdilis oahpponeavvuide lea stuoris. Lean duhtavaš go vuoruhuvvojit oahpponeavvut sihke vuosttaš- ja nuppegielagiidda, dadjá sámediggeráđđi Mikkel Eskil Mikkelsen.

    Sametingsråd Mikkel Eskil Mikkelsen (NSR).
    Foto: Vaino Rensberg / Sametinget
  • Mottar pris på to millioner

    Nils Gaup, Margreth Olin, Joachim Trier og Deeyah Khan vinner årets Anders Jahres Kulturpris på to millioner kroner, skriver NTB.

    Prisen hedrer utmerket arbeid for norsk kulturliv.

    Prisutvalgets leder, Åse Kleveland, sier de fire har vært sentrale for posisjonen norsk film har både nasjonalt og internasjonalt, skriver NTB.

    Nils Gaup (f.v.), Margreth Olin og Joachim Trier mottar sammen med Deeyah Khan årets Anders Jahres Kultupris, som i år går utelukkende til filmskapere.
    Foto: Helge Brekke / NTB kultur