NRK Meny

Eai liiko Árvosátnegáibádussii

Norgga skuvlahoavddat eai liiko dasa go ráđđehus lea bidjan árvosátnegáibádusa matematihkas oahpaheaddjiohppiide. Guorahallan maid NRK lea čađahan čájeha ahte leat dušše 27 proseantta skuvlahoavddain, mat dorjot gáibádusa ahte ferte leat njelješ matematihkas ovdalgo beassá oahpaheaddji ohppui. Fræna gieldda skuvla-hoavdda Kim Atle Kvalvåg oaivvilda ahte dál ii lean gal vuohkkaseamos áigi goas ásahit árvosátnegáibádusa.