Eai leat vel soabadan
Lea ain stuorra gaska bealálaččain dán jagáš eanadoallošiehtadallamiin. Finnmárkku boanddaidsearvvi jođiheaddji Grete- Liv Olaussen dadjá ee dehálažžan oaččut buoret doarjagiid šibitdoaktáriidda ja maiddái buoret fievrridan ortnegiid Finnmárkkus gos leat nu guhkes gaskkat. Stáhta šiehtadallá guvttiin organisašuvnnain, Norgga Boanddaidservviin ja Norgga boanddaid- ja smávvadálolaččaid servviin. Plána mielde de galget geargat šiehtadallamiiguin gaskkavahkku miessemano 16.beaivve.