NRK Meny

Eai leat vel gávdnan bivdi

Odne álggii ohcanveahka fas ohcat badjelaš 50-jahkásaš bivdi, gean ikte dieđihedje jávkan Njøøneshgiedtjies, Snoase guovllus, Trøndelágas. Gádjunveahka lea ija ohcan dievddu. Dál leat Rukses Ruossa ja Norgga gádjunbeatnagat mannamin báikái, ja Sea-king galgá maid dál girdilit ohcat. Dálkki geažil lea dán guovllus váttis ohcat dál, dadjá politiijaid operašuvdnajođiheaddji Stig Rune Sagen. Politiijat ávžžuhit maid eaktodáhtolaččaid boahtit veahkkin ohcat.