Hopp til innhold

Eai leat ovtta oaivilis ahte lea go Fovsen-áššis olmmošrievttit rihkkojuvvon

Eai lea ovtta oaivilis rihkkojuvvojit go olmmošvuoigatvuođat Fovsen-áššis

Juste dál lea gažaldat Fovsen-áššis: leat go bieggaturbiinnat olmmošvuoigatvuođaid rihkkun.

Stáhta oaivvilda ahte eai leat.

– Dát gal lea kreatiiva áddejupmi maid riektedieđalaš fágabiras ii doarjjo, lohká UiT professor Øyvind Ravna.

Gažaldat lea: leat go dál jo rihkkojuvvon olmmošvuoigatvuođat, dahje dáhpáhuvvá go dat boahtteáiggis. Vástádus dán gažaldahkii váikkuha dasa mo stáhta hálddaša ášši ovddasguvlui.

Dán olmmošvuoigatvuođa rihkkuma lea stáhtas geatnegasvuohta njulget.

Dat maid mielddisbuktá ahte stáhta ferte johtileamos lági mielde orustahttit dan mii dahká ahte olmmošvuoigatvuođat rihkkojuvvojit.

Vaikko Alimusriekti celkkiige badjel jagi áigge ahte Fovsen-Njaarke bieggafápmorusttegat rihkkot badjeolbmuid olmmošvuoigatvuođaid, de sii oaivvildit alddiineaset dili ain dahkat eambbo guorahallamiid dán bieggafámu birra.

Oljo- ja energiijadepartemeanta ádde duomu dainna lágiin ahte olmmošvuoigatvuođa rihkkumat bohtet easkka boahtte áiggis.

Loga olles artihkkala ášši birra dárogillii dás:

Korte nyheter

  • Sámis AWG-plánat

    Team Sápmi jođiheaddji Ron Walter Knutsen lea ilus go dán jagi rájes leat beassan eambbo oasseváldiid sáddet Árktalaš dálveriemuide. -Mii sávaimet lasihit logu 60 olbmui, dat lea dohkkehuvvon, muitala Knutsen. Nu leat ge dán dálvvi beassan gánddaid futsal-joavkku maid sáddet gilvvuide, mat leat Fort McMurray:s Kanádas. Son muitala sámis plánat AWG hárrái, muhto ii dáhto vuos nu olu eambbo gal dadjat.

    Les saken på norsk

    Team Sápmi Arctic Winter Games 2023
    Foto: Stig Tovås / Team Sápmi AWG
  • Hinter om AWG-planer i Sápmi

    Leder for Team Sápmi 2023, Ron Walter Knutsen, er glad for at Sápmi har fått med flere deltakere til årets Arctic Winter Games (AWG). - Vi søkte om å få økt deltakerkvoten til 60, som de innvilget, forteller Knutsen. Det har gjort at de nå får med guttelag i futsal. Knutsen hinter om store planer i Sápmi, men røper ikke annet enn at dette har med AWG å gjøre.

    Loga sámegillii

    Hør intervjuet med Knutsen her:

    Knutsen hinter om store planer i Sápmi, men røper ikke annet en at dette har med AWG å gjøre.
  • Ruošša journalista dubmejuvvon giddagassii

    Ruošša journalista Aleksandr Nevzorov lea dubmejuvvon čohkkát giddagasa gávcci jagi, go galgá ráhkadan «boasttu ođđasiid ruošša soahteveaga birra», nu dieđiha ruošša ođasdoaimmahat Tass.

    Nevzorov lea garrasit cuiggodan soađi Ukrainas. Son guđđii Ruošša njuolga maŋŋel go soahti álggii, ja son ii leat riektelanjas dikki vuolde. Ruošša eiseválddit álge dutkat Nevzorov diibmá giđđat.

    Dalle lei son bidjan dieđuid sosiála mediaide ahte ruošša soahteveahka dihtomielalaččat ledje bomben buohcciviesu gos ledje eatnit ja easkariegádan mánát, Ukraina gávpogis Mariupolas, nu čállá Reuters. Ruošša eiseválddit leat biehttalan dán čuoččuhusa.