Álggus 2000-logu go Ingrid Smuk Rolstad lei sátnejođiheaddjin Deanus, de ásahedje bargojoavkku mii iskái movt láhččit buoremus dili sámi fáŋggaide giddagasain.
– Bargojoavku árvalii sierra sámi giddagasa muhto eiseválddit eai miehtan dása, dadjá Smuk Rolstad.
Sámediggi lea bargojoavkkus mii galgá geahčadit movt sámi fáŋggaide lea buoremus giddagasas giela ja kultuvrra ektui. Sámediggeráđđi, Silje Karine Muotka jáhkká ahte vuosttaš čoavddus lea ahte sámi fáŋggat besset geavahit sámegiela lagamuččaiguin ja bargiiguin.
- Guldal ášši: