Eai heaitte ohcamin

Politiijat leat plánemin joatkkit ohcat Edgar Leonhard Hansena gii lea leamašan jávkosis dan rájes go guollebivdofanas vuojui Márnjárggas davábealde Ráisavuona mannan vuossárgga. Politiijat eai dieđe vel siva dáhpáhussii go fanas vuojui, ja sii árvvoštallet maid galget go viežžat fatnasa bajás mearrabotnis, nu muitala Návuona- ja Ráissa guovllu sadjásaš leansmánni Joachim Bakke.