NRK Meny

Eai fuola Statskoga hálddašeami

Norgga meahcceláhka ii guoskka Davvi-Norgii. Liikkáge leat oktiibuot moadde Nordlándda ja Tromssa suohkana mearridan váldit meahccelága adnui. Meahcceláhka diktá eanet báikkálaš luondduhálddašeami, Statskoga hálddašeami ektui. Árabut dán geasi celkkii Statskog ahte suohkanat eai sáhte ieža mearridit meahccelága ádnui váldit – lea dušše Stuorradiggi mii dan sáhttá mearridit. Suohkanat mat háliidit hálddašišgoahtit meahccelága mielde leat earret eará Beardu, Omasvuotna, Bájddar, Fuosku, Oarjelij-Bájddár, Sálát ja Aarporte.