NRK Meny

Eai dohkket rievdadusaid

Sámediggeráđđi ii dohkket rievdadusaid boazodoalulágas ja erenomážit vuosttalda ráđđi ahte fylkkamánnis lea váldi mearridit man ollu bohccot boazoeaiggádiin galget. Ráđđi dáhttu olles boazodoalu lága geahččat ođđasit ja ahte álbmotriekti lea vuođđun lágas. Ráđđi maid čujuha ahte boazodoalus lea prinsihpalaš vuoigatvuohta iešmearrideapmái ealáhusa oktavuođas. Ođđa láhkarievdadusas árvaluvvo ahte fylkkamánni sáhttá mearridit siidaosiid boazologuid.