Deanu luossareivveeaiggádiid searvvi ovddasteaddji Asbjørn Guttorm ii mieđit geahpedit golgadeame ja boađđuma, nugo luossanálle áššedovdi Jan Olli lea evttohan ovtta áigái.
– Jus dan dagašedje nu, de beasasedje oaidnit leatgo dat bivdovuogit arra gease dagahan heajos luossajagiid, dovddaha Olli.
Asbjørn Guttorm ii mieđit dán čilgehussii.
– Jus čájehuvvo, ahte luossanálli lea nohkamin, de fertet miige geahpedit dan bivddu mii lea dihto áigái vai luossa fas lassánivččii. Dat gal lea áddmis. Dan gal almmatge čuovvol, ahte mii dat dušše galggašeimmet geahpedit bivddumet. Mii fertet gal oppalohkái geahččat, ahte gean várás mii gáhttet luosa, oaivvilda Guttorm.
Deanu čáhcadaga guolastanhálddahusa direktevra Hans-Erik Varsi gal čuovvola buorre muddui Jan Olli árvalusa dás.