Sámeráđi stivrračoahkkin cealká ahte ii áiggo dattege doarjut juridihkalaččat ii ge ruđalaččat boazosápmelaččaid dán áššis, vaikko mannan vahkus orui oalle čielggas ahte dan dahket.
– Mii oaidnit ahte dát bággonjuovvan proseassa lea boastut, muhto go mii leat dál gulahallan daid iešguđetge olbmuiguin, de mii leat gávnnahan ahte dat ii leat riekta ahte sámeráđđi dál, dán dásis, seaguha iežas áššái, lohká Sámeráđi presideantta, Aile Javo.
Čoahkkin Romssas
Sámeráđi stivrračoahkkin lea dollon Romssas, gos maid leat dán áššis ságastallan.
– Vaikke vel Sámeráđi mielas ii leaččage bággonjuovvanproseassa nu mo galggašii, de eai fidne boazodoallit sis doarjaga, lohká Aile Javo.