Hopp til innhold

Eai doarjjo álbmotmeahcci

Guovdageainnu ovdagoddi ii doarjjo Anárjoga álbmotmeahci viiddiđanplánáid. Dán áššái lea geavahuvvon menddo unnan áigi, ja nu eai soaitte buot beliid doarvái bures guorahallan, lohká Guovdageainnu sátnejođiheaddji Klemet Erland Hætta.

Ordfører Klemet Erland Hætta (t.v.) og rådmann Odd Keskitalo

Eai hálit suodjalit šat eanet. (Govas: Sátnejođiheaddji Klemet Erland Hætta ja ráđđealmmái Odd Keskitalo)

Foto: Kjell Are Guttorm / NRK

Utredningsområde i Øvre-Anarjok i Øst-Finnamark

Anarjoga albmotmeahcci eai hálit viiddiđit Kárášjogas eaige Guovdageainnus

- Bargolávdegoddi lea ovttajienalaččat cealkán, ahte sii leat dáid viiddiđanplánaid vuostá. Dás livčče galgan vel lasi bealit váldojuvvot vuhtii, dego sámiid berošdumit ja doaimmat dieid guovlluin ja dáid gálget váldit vuhtii maid boahtteáiggis.

Finnmárkku fylkkamánni lea biragáhttendepartemeantta ovddas evttohan viiddiđit Anarjoga álbmotmeahcci. Álbmotmeahcci mii ásahuvvui 1976:as lea Guovdageainnu ja Kárášjoga gielddas. Ovdal lea kárájoga gielda jo cealkan ahte sii eai doarjjo viiddiđanplánaid.

GULDAL:

Báikkalaš bargolávdegoddi mii lea ásahuvvon viiddiđanbarggu oktavuođas lea garrasit moaitan dan, go sii leat menddo unnán áiggi ožžon dán bargui, go plána mielde galgá ášši loahpalaččat mearriđuvvot juo dán jagis.
Ikte lea Guovdageainnu ovdagoddi buktán cealkámušas áššis. Eanetlohku manai viiddiđanplánáid vuostá.

Sii gal dorjot

Muhto suohkanstivrra stuorámus bellođaga Guovdageainnu johttisápmelaččaid listtu áirras Anders S Buljo gal doarju viiddideami.

Anders S. Buljo

johttisápmelaččaid listtu áirras Anders S Buljo gal doarju viiddideami.

Foto: Kjell Are Guttorm / NRK

- Son ii dovdda justa makkár ákkaiguin bargolávdegoddi lea vuosttildeamen ášši.

- Muhto dáppe Guovdageainnu bealde lea eanaš boazodoallit dorjon suodjalanplánaid, dego siiddat ja orohagat ja son doarju dan foruma oainnuid, gos son ieš lea mielde, dadjá Anders S Buljo.

Korte nyheter

  • Dieđihit eambbogo 30 goddon Israelea falleheamis Syriijas

    Siviila olbmot ja soalddáhat galget leat goddon israelalaš áibmofalleheamis Syriijas, syriijalaš eiseválddiid dieđuid mielde.

    Eanetgo 30 olbmo galget dieđuid mielde goddon.

    Dieđuid mielde galgá Israel fallehan Aleppo gávpoga mannan ija diibmu 01.45 báikkálaš áigge.

  • – Alimus Hálddahusriekti bággeha ii-sápmelaččaid Sámediggái 

    Sámiráđi ságadoalli Áslat Holmberg oaivvilda, ahte Suoma Alimus Hálddahusriekti (AHR) badjelgeahččá sámi álbmoga.

    – AHR lea ođasmahttán mearrádusaid, mat leat gávnnahuvvon rihkkut sápmelaččaid vuoigatvuođa friddja politihkalaš ortniiduvvamii, oaivvilda Holmberg.

    AHR lea mearridan, ahte mannan čavčča sámediggeválggaid galgá lágidit ođđasit.

    Riekti lea gieđahallan badjel čuođi sámediggeválggaid válgalogahallama ja válgabohtosa guoski váidaga.

    – AHR fas bágge Sámedikki dohkkehit 72 ii-sápmelačča ižas jienastuslohkui. Ná áitá Sámedikki legitimitehta sápmelaččaid ovddastanorgánan, cuiggoda Holmberg.

    Aslak Holmberg
    Foto: Piera Heaika Muotka / Sámiráđđi
  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi