Eai doarjjo akšunisttaid

Riehpovuona akšunistaleairras sávvet Norgga ođđa ruksesruoná ráđđehusa bissehit Nussira ruvkedoaimma Ráhkkerávjjus Hámmerfeastta gielddas. Finnmárkku bargiidbellodat oaivvilda dán ruvkedoaimma dehálažžan Finnmárkui ja danne eai doarjjo akšunisttaid. Luonddugáhttenlihttu nubbi jođiheaddji Pernille Hansenis leat liikká stuorra vuordámušat ráđđehusráđđádallamiidda go válgagiččuid áiggehan ruksesruoná bellodagat leat dadjan, ahte luonddu ja biologalaš máŋggabealátvuođa ferte gudnejahttit.

Korte nyheter

  • ON bivddii bissehit Fovsen huksema

    Golbma jagi áigu bivddii ON Norgga bissehit bieggafápmu huksemiid Jorpetjahkes Fovsenis, muhto politihkkarat válljejedje joatkit huksemiin. Ášši lea ain ON beavddis.

    – Maid ráđđehus ja huksejeaddjit dál barget bieggafápmorusttegiin várra mearrida maid ON dahká viidáset, dadjá Norgga árktalaš universitehta professor Mattias Åhren.