Eai dárbbaš unnidit siidaoasi
Ávvir čállá skábmamánus lei ášši Sis-Finnmárkku diggegottis gos ovtta siidaoasi boazolohku galggai meannuduvvot. Siidaoasi jođiheaddji lei stevdnen golbma siidaoasi miellahtu, ja gáibidii ahte sii unnidit boazologu 20 heggii guhtege. Odne lea daid golmma miellahtuid boazolohku gaskkal 300 ja 400. Duopmu lea dál celkon. Dat golbma miellahtu vuite, eai ge dárbbaš unnidit nu go siidaoasi jođiheaddji lei gáibidan.