NRK Meny
Normal

Eai dáhto kommenteret Sámedikki oaiviliid

Sámediggi lea reivviid sádden stuorrabáŋkkuide UBS, HSBC, Citigroup, Credit Suisse ja Morgan Chase, mat oktiibuot 35 proseanta ruvkefitnodaga Nussir ossosiin.

Anne Karin Olli

Stáhtačálli Anne Karin Olli (Olgeš) ii loga lunddolažžan kommenteret Sámedikki politihkkalaš cealkámušaid ruvkeáššis.

Foto: Kjell Are Guttorm/NRK

Mii dáhttut HSBC bissehit investeremiid čađahit Nussir ASA ruvkefitnodagas. Duogáš dasa lea go veaikeruvkedoaibma Riehpovuonas rihkku álgoálbmotvuoigatvuođaid ja doaivumis dagaha duođalaš birasváikkuhusa, čállá Sámediggeráđđi Silje Karine Muotka reivve riikkaidgaskasaš báŋkkuide.

Politihkalaš cealkámuš

Gielda- ja Ođasmahttindepartemeanta stáhtačálli, Anne Karin Olli, dadjá ahte reivvet maid Sámediggeráđđi lea sádden riikkaidgaskasaš báŋkkuide, lea Sámediggeráđi politihkaš cealkámuš, iige leat danin lunddolaš ráđđehusas daidda cealkit maidege. Nussir ASA beaivválaš jođiheaddji, Øystein Rushfeldt, dadjá ahte eai leat duođat maid Sámediggi čállá, reivviin.

Imašlaš bargovuohki

Oarje-Finnmárkku Guovlluráđi Regionråd beaivválaš jođiheaddji, Raymond Robertsen, gal imašta Sámedikki reivviid.

Raymond Robertsen

Sámedikkis lea imašlaš bargovuohki go caggá doaimmaid mat livčče dagahan ovdáneami, dadjá Oarje-Finnmárkku guovlluráđi beaivválaš jođiheaddji, Raymond Robertsen.

Foto: Heaika Nilsen Skum / NRK

–Lea vuosttaš geardde go gulat ahte guovllu politihkalaš ásahus caggá ja bargá vuostá doaimmaid mat livčče dagahan ovdáneami dán guovllus, ja mat šattaše ávkin maiddái sápmelaččaide, dadjá Robertsen.