NRK Meny
Normal

Eai bala agurkkas

Vaikko vel oktanuppelogis ležžetge Duiskkas jápmán ja ollugiidda njommon E-coli bakteria agurkka geažil, de Norgga beale Sámis eai heaitte agurka borramis. Sii luhttet Norgga ja Suoma agurkii.

Norgga agurkat
Foto: Thoralf Balto

Oktanuppelogis leat jápmán Duiskkas go leat borran agurkka, mas ledje E-coli bakteriat. Ruođas árvvoštallet ahte E-coli bakteria lea njommon 36 olbmui. Dát ii leat vel dahkan ahte olbmot eai oastte agurka Sámis. Leamašan gal issoras ođas gullat ahte E-coli agurkkat gávdnojit máilmmis, lohke olbmot go finaimet Kárášjoga márkanis gulaskuddamin.