Hopp til innhold

Eai šat oza jávkan nissonolbmo

Suoma politiijat heite vuossárgga ohcamis 73-jahkásaš Nina Jefremoff, gii suomabeale Njávdámis leamaš jávkosis badjel vahku dál. Dán muitala politiijaid dutkanjođiheaddji Esa Harju YLE Sápmái. Sivva lea ahte politiijat eai jáhke Jefremoff lea šat heakkas. Oapmahaččat jotke baicce ain ohcat. Jávkan nissonolbmos dadjo leat hástalusat muitit.

Korte nyheter

  • Norwegianis mátkkošteddjiidoláhus

    Norwegianis eai leat ná ollu mátkkošteaddjit leamaš dan rájes go pandemiija álggii.

    1.937.318 olbmo mátkkoštedje Norwegian mielde geassemánus. Dá lea 19 proseantta lassáneapmi mannan mánu ektui, ja alimus mátkkošteddjiidlohku mii lea leamaš dan rájes go pandemiija álggii.

    Nu čállá Norwegian preassadieđáhusas.

    Et Norwegian-fly på Gardermoen en junidag i 2022.
    Foto: Markus Thonhaugen / NRK
  • Midnattsrocken šaddá nu go plánejuvvon

    – Midnattsrocken čađahuvvo.

    Nu čállá Midnattsrocken Facebook-siiddustis. Sii leat bargan birra jándora maŋŋágo SAS-pilohtat manne bargoheaitagii oažžun dihtii artisttaid davás čuojahit konsearttaid.

    – Mii bargat máŋga čovdosiid ovdii, earret eará priváhta girdiin. Mii dáhkat buot maid sáhttit vái oažžut buohkaid deike, čállá Midnattsrocken.

    Masse folk på Midnattsrocken
    Foto: Anders Boine Verstad / NRK
  • Ođđa dálkerádár Guovdageidnui

    Meteorologalaš instituhta cegge ođđa dálkerádára Guovdageidnui, čállá iFinnmark.

    – Sis Romsii ja Finnmárku duoddarii leamaš váttis dieđihit dálkki, dadjá Davvi-Norgga dálkedieđuid ossodaga jođiheaddji Justyna Wodziczo iFinnmárkui.

    Muhto dál nannejit sihkkarvuođa, vai ambulánsagirdiide ja eará girdijohtolahkii lea vejolaš addit buoret dálkedieđuid go johtet guovllus. Árabut dán jagi lea maid Ákŋoluokta ja Bearalváhki ožžon dálkerádára.