NRK Meny

Eai šat oza jávkan fatnasa ja olbmo

Ohcanbálvalusat loahpahedje ikte ohcama fatnasa maŋis, mii lea jávkan leamaš lávvardaga rájes. Fanas vulggii Ákšovuonas Álttá guvlui, ja vuossárgga rájes ievttá rádjai ledje ohcan fatnasa ja almmáiolbmo gii vujii fatnasa, Stierdnásuolu lahka. Váldogádjunguovddáš navdá almmáiolbmo duššan. Ohccit leat mearas gávdnan guokte oasi maid jáhkket gullet fatnasii. Osiid sáddejjit guorahallamii.