Nuoraid girjjiin "illmmiid gaskkas " lea Maret Ánne Sara sámigiellaguovllus evttohassan balkkašupmái, mas Stockholmmas odne almmuhuvvo vuoiti. Straume mielas lea Sara girji sihke áigeguovdil ja miellagiddevaš, muhto eahpida dá leat otná vuoitiid searvves.
Anne Cathrine Straume.
Foto: Hilde Bjørnskau– Árvvoštallit sáhttet oažžut dakkár dovddu ahte dárbbašuvvojit buot golbma girjji maid Máret Anne Sara lea čállán, ovdalgo das lea doaivva olahit árvvoštallin buoremus arvosáni ja vuoitit gilvvu lohka, Anne Cathrine Starume, guhte lea okta NRK girjjálašvuođa árvvoštalliin.
Su mielas nohka girji masa menddo fáhkka ja lohkki báhca olu gažaldagaiguin - ja dat ge su mielas dagaha ahte son ii árvvoštalašii dán leat buoremus girjin.
Nuoraid romána “ilmmiid gaskka” lea Sara vuosttaš girji, mii de lea vuosttaš girji dan trilogiijas. Saras leat 12 gilvaleaddji davviriikkain, earret Ålánddas, gos dán vuoro ii lean evttohas dán girjjálašvuođa suorgái.
Straume mielas lea norgga evttohasa guoktá Gro Dahle ja Kaia Linnea Dahle Nyhus mánáid govvagirji “Krigen” , sámegillii soahti, buoremus evttohus dán jagi. Girjjis muitaluvvo mo manná vásiha vanhemiid earráneami.
Vuokko Hirvonen.
Foto: Risten HættaSami girjjálašvuođa professor Vuokko Hirvonen mielas lea Maret Ánne Sara čallan miellagiddevaš girjji mas sámi mytologiija ja birasgáhtten lea guovddážis. Dat Fantasy nuoraid romána sáhttá maid seamma bures geasuhit rávis olbmuid ge lohkat girjji, jáhkká Hirvonen. Son gal ii jáhke dat dagahit girjji ovdii dán jagáš gilvvus, ahte dat lea triologiijas easkka vuosttaš oassi.
– Juohke dákkár girji doaibma ieš okto maiddái. Dat gal lohket dáid iehčanas duodjin juohke girjji, dadjá Hirvonen.
