Hopp til innhold

Eahpeluohttámuš klinihkkahovdii

20/6: Áššái lea lasihuvvon kommentára Finnmárkku buohcciviesu direktevrras ja klinihkkajođiheaddjis.

Les på norsk

Vuossárgga celkkii Sámi doaktáriid searvi ahte sis lea eahpeluohttámuš Sámi klinihka hovdii Amund Peder Teigmo:i. Dan čállá Ságat.

Eahpeluohttámuššii leat moadde siva, earret eará go klinihkka ain gullá Finnmárkkubuohcceviesu vuollái.

– Vássán njealji jagis lea Sámi doaktáriid searvvi čuvvon mielde makkár ovdáneapmi lea. 21,3 proseantta bušetterejuvvon virggiin leat deavddekeahttá. Dát proseantalohku lea beali stuorátgo eará klinihkain, mat gullet Helse Nord vuollái.

Dan dadjá Sámi doaktáriid searvvi jođiheaddji Jonill Margrethe Fjellheim Knapp áviisii.

Nubbi ášši mas doavttersearvi lea fuolas, lea ahte máŋga fágaolbmo ja bargi leat heaitán dán njealji jagi áigodagas.

Finnmárkku buohcciviesu hálddahuslaš direktevra Ole Hope ja klinihkkahoavda vástideaba preassadieđáhusas.

– Mun hirpmahuvvan go Sámi doaktáriid searvi cuiggoda virgeolbmá go son čuovvu daid mearrádusaid maid min eaiggádat leat dahkan. Finnmárkku buohcciviessu lea oskkáldasat daid njuolggadusaide maid min eaiggádat addet midjiide, ja mii dahkat buot maid sáhttit vai ollašuhttit gáibádusaid.

Son čállá ahte Finnmárkku buohcciviessu bargá oppa áigge buoridit ja ovddidit fálaldagaid sámi álbmoga várás, vai spesialistadearvvašvuođafálaldat buorránivččii.

– Nu mo mun dovddan Sámi klinihka klinihkka jođiheaddji, de son bargá áŋgirit ovdánemiin juohke beaivvi, muhto min rámmaid siskkobealde, ja sutnje lea mus ollislaš luohttámuš, čállá Hope preassadieđáhusas.

– Sámi doaktáriid searvi čujuha viidáseappot ahte mis leat ollu rabas virggit Sámi klinihkas, ja čujuha maiddái dan klinihkkajođiheaddjái. Iskkadeapmi mii lea dahkkon áigá juo, dalle go dat maid lei fáddán, čájehii ahte Sámi klinihkka ii leat earálágan,muhto lea lunddolaš ahte šaddá nu bargobáikkis gos leat sullii 200 bargi, čállet sii.

Amund Peder Teigmo
Foto: Nils John Porsanger / NRK

Korte nyheter

  • Ná olu máksá elrávdnji Davvi-Norggas vuossárgga

    Les på norsk:

    Vuossárgga šaddá Davvi-Norggas elrávnnje gaskamearálaš haddi 27,3 evrre kilowattdiimmus. Dat lea 7,6 evrre eambbo go sotnabeaivvi ja 3,9 evrre eambbo go seamma beaivvi diibmá.

    Dan čájehit hvakosterstrommen.no logut.

    Alimus haddi vuossárgga šaddá 29,5 evrre kilowattdiimmus, gaskal tii. 18 ja 19.00. Dat lea 1,7 evrre eambbo go sotnabeaivvi ja 5,5 evrre eambbo go seamma beaivvi diibmá.

    Vuolemus haddi šaddá 23,1 evrre kilowattdiimmus gaskal diibmu 2 ja 3 ihkku.

    (NTB)

    Strømkabler
    Foto: Terje Bendiksby / NTB
  • Amerihkkálaš bombagirdit girde Norgga ja Suoma badjel

    Les på norsk:

    Guokte amerihkálaš B-52 Stratofortress bombagirdit girde sotnabeaivve Norgga ja Suoma badjel. Dan dieđiha Suoma suodjalusdepartemeanta.

    Bombagirdit girddiiga máttaguvlui Norggas Lapplánda guvlui Supmii. Golbma táŋkagirdi girde maŋis.

    Suoma suodjalusdepartemeantta dieđuid mielde lei dá hárjehallan mii lei koordinerejuvvon lihtolaš riikkain.

    Ruošša sáddii guokte soahtegirdi go oidne ahte guokte amerihkálaš bombagirdi lahkonišgohte Ruošša áibmolanja, Barentsábi bajábeale. Dan dieđihii Ruošša suodjalusdepartemeanta otne.

    Ruošša departemeantta dieđuid mielde de girde amerihkálaš girdit eará guvlui go fuomášedje Ruošša soahtegirdiid lahkonišgoahtimin.

    (NTB)

    Amerikanske B-52 og to svenske JAS Gripen og to norske F-35 kampfly vest for Andøya.
    Foto: Forsvaret
  • Så mye koster strømmen mandag

    I Nord-Norge blir det en snittpris for strøm på 27,3 øre per kilowattime (kWh) mandag og en makspris på 29,5 øre.

    Mandagens snittpris per kWh er 7,6 øre høyere enn søndag og 3,9 øre høyere enn samme dag året før, viser tall fra hvakosterstrommen.no.

    Maksprisen mandag på 29,5 øre per kWh er mellom klokken 18 og 19. Den er 1,7 øre høyere enn søndag og 5,5 øre høyere enn samme dag året før.

    Ser man bort fra strømstøtten, men inkluderer forbruksavgift (15,84 øre per kWh) og avgift til Enova (1 øre per kWh), ville maksprisen i Nord-Norge vært 46,4 øre.

    90 prosent av prisen over 73 øre dekkes av strømstøtten, og støtten beregnes time for time. Strømstøtten dekker altså ingenting mandag, siden prisen aldri overstiger 73 øre.

    I Nord-Norge er det ingen moms på strøm til husholdninger, og i Finnmark og Nord-Troms slipper husholdninger og offentlig forvaltning også å betale forbruksavgiften.

    Minsteprisen blir på 23,1 øre per kWh mellom klokken 2 og 3 på natten. (NTB)

    Strøm
    Foto: Simon Skjelvik Brandseth / NRK