Davvi Dearvvašvuođa hálddahusdirektevra dat sávvá váldodoaktára Knut Johnsena ja SÁNÁGA jođiheaddji, Gunn Heatta, máhccat Sámi dearvvašvuođa Siidda ásahanlávdegoddái. Vaikke vel lohpidage ovttasbargat sápmelaččaiguin, de ii hálit goabbáge máhccat ovdal Helse Nord ieš stivregoahtá Siida ásaheami.
– Mun in mana ruovttoluotta ovdal go Davvi Dearvvašvuohta váldá dan erenoamaš ovddasfástádusa maid Helseministtar lea lohkan ahte sii galget dahkat, dadjá SÁNÁGA jođiheaddji Gunn Heatta.
- Loga maid:
SÁNÁGA jođiheaddji Gunn Heatta ja váldodoavttir Knut Johnsen eaba loga máhccat Sámi Dearvvašvuođa siidda ásahandoibmii nu guhkká go Davvi Dearvvašvuohta ieš ii stivreš dan prošeavtta.
Foto: Carl-Gøran Larsson / NRKFinnmárkku buohcciviesu bokte ii ábut viggat jođihit Sámi dearvvašvuođa Siidda ásaheami ja dál ferte Davvi Dearvvašvuohta ieš jođihišgoahtit dan barggu, oaivvildeaba sihke Johnsen ja Heatta.
– Dat galgá váldit dan huksenhommá ovddasfástádusa ieš ja organiseret maid dán sámi dearvvašvuođa eará láhkai nu ahte váldo olggos Finnmárkku Buohcciviesus go dat lea čájehuvvon guhkes áiggi mielde ahte dat ii doaimma ja dat eai hálit ovdáneami dás, dadjá váldodoavttir Knut Johnsen.
Ievttá ođđasiidda dat dovddahii Davvi Dearvvašvuođa direktevra, Lars H. Vorland, ahte son háliidivčče Johnsena ja Heatta ruovttoluotta lávdegoddái.
Davvi Dearvvašvuođa direktevra, Lars H. Vorland, doaivu ahte Johnsen ja Heatta máhccaba ruovttoluotta.
Foto: Amanda Åsberg/NRK–Son diehtá sudno geassádan dás ja doaivu sudno máhccat go dal geahčadišgohtet Sámi Dearvvasvuođa Siidda sisdoalu ja lea suddu go leaba geassádan. Vaikke vel sudno geassádeapmi goarideašge prošeavtta, de ii mieđit sudno gáibádussii ahte Sámi Dearvvašvuođa Siidda luvvet eret Finnmárkku buohcciviesus, dadjá Vorland.
