NRK Meny
Normal

Duvrie vijreme gïjregen

Maahta duvrie vijreme gïjregen sjïdtedh.

Bjørn

Duvrie

Foto: Det Skandinaviske Bjørneprosjektet

Daelie duvrie Laakesen vuemesne, Namdaelesne fahkeme.
Miljødirektoratet gïehtjeminie jis duvrie vijreme maahta gïjregen sjidtedh, deej dajvine gusnie jijnjh sïrvh jih bovtsh.

–Stoerre tjoeperdimmie sjædta jis duvrie moetesjiminie. Dellie maehtebe daam duvriem vuetjedh, jeahta Tore Solstad Statens naturoppsyn NRKese.

Dæjmetje giesien, dellie duvrieh jijnjh sïrvh jih bovtsh gellieh dajvine moetesji. Daelie Solstad eevtjie almetjidie jih bievnedh jis duvriem vuehtieh.

–Edtjebe duvrien goelkh, bajhkh tjøøngkedh jih govledh, gusnie almetjh duvriem vuajneme jih vuahteme, dellie daejrebe maan gellieh duvrie maahta gååvnesidh, jeahta Solstad.

Baajh duvriem raeffesne årrodh.

Arnodd Håpnes lea faageåvtehke Naturvernforbundesne. Dihte tuhtjie almetjh edtjieh sjeavohth årrodh jis duvriem vuahteme.

Duvrie edtja raeffesne gïjregen årrodh. Ibie maehtieh barre duvride vuedtjedh. Jis akte duvrie, jijnjem moetesjamme, dellie mijjieh aaj maehtebe luhpiedidh, daam duvriem vuedtjedh jeahta Håpnes.

Daan saernien bijre NRK Trøøndelage tjaaleme.