NRK Meny

Dutkat mearrabotni

Ruđat maid oljoealáhus lea juolludan dutkide lea dahkan vejolažžan guorahallat mearrabodni olggobealde Finnmárkku. Dál áigut gávnnahit mo oljobohkamat ja ruvkedoaibma čuohcá mearrabodnái. Báhčaveaivuonas Mátta-Várjjagis, Riehpovuonas Fálesnuoris ja mearrabotni olggobealde Hámmárfeastta galgá dárkilit dutkojuvvot prošeavtta olis, mii oažžu millijovnnaid oljoindustriijas. Dutkamis lea mihtton gávnnahit mo mearrabotni luondu rievdá go luitet ruvkebázahusaid merrii ja go bohket olju.