Durka dohkkehii Suoma Nato-lahttuvuođa
Suoma lahttuvuohta bealuštanlihttu Natos lea dál sihkkaraston, go Durkka parlameanta dohkkehii Suoma Nato-lahttuvuođa maŋŋit duorastateahket, čállá Yle Sápmi.
Dál buot 30 Nato-riikka parlameanttat leat ratifieren Suoma lahttuvuođa.
Durkka presideanta galgá vel nannet iežas oasil lahttuvuođa ratifierema.
Dan maŋŋá Nato váldočálli Jens Stoltenberg bovde Suoma dievaslaš lahttun bealuštanlihttui.
Stoltenberg čállá Twitteris, ahte Suoma lahttuvuođa ratifieren dahká Nato gievrrabun.