NRK Meny
Normal

Eanemus jienat musihkkagilvvus

Sámi hiphop joavku Duolva Duottar lea njunnožis Musikk i Finnmark musihkkagilvvuin Mufi-star. Joavkkus leat sihke eanemus jienat ja lea maid eanemus čuojahuvvon.

Duolva Duottar Árdna studios
Foto: Dan Robert Larsen / NRK

Bearjadaga de almmuhuvvo guđe ártista dahje joavku vuoitá Musikk i Finnmark musihkkagilvvuid Mufi-star. Guovdageainnu/Máze joavku lea dál njunnožis gilvvuin ja sáhttá bearjadaga fasket 25.000 ruvdnosaš vuoittu.

Musikk i Finnmark ii leat almmuhan makkárge listta mas oainnášii geat leat ožžon eanemus jienaid. Árdna lea almmatge dárkilit geahččan dieđuid mat leat musihkkagilvvuid interneahttasiiddus. Dan vuođul mii leat ráhkadan iežamet listta.

Dá lea lista

1. Duolva Duottar - Niehku

Jienat: 1226

Čuojahuvvon: 2085

2. Zymphelia - Ice

Jienat: 658

Čuojahuvvon: 1957

3. SlinCraze - Mu Niegus/In My Dreams

Jienat: 326

Čuojahuvvon: 857

4. SlinCraze - Everytime we touch

Jienat: 215

Čuojahuvvon: 724

Viđádin lea Duolva Duoddara lávlla "Smakebiter". Das leat 41 jiena. 23 eará lávlaga leat dássái ožžon mealgat unnitgo 100 jiena. Dáid lávlagiid mii eat namut dás.

Dáppe sáhtát jienastit