NRK Meny
Normal

Duolva bojá Luo-Mus Máilmmis!

Vahkku maŋŋel go vuoittahalle "Norske Talenter" gilvvus finadii sámi ræppár Fred-René Øvergård Buljo Luo-Mus Máilmmis. Ja guldaleaddjit ožžo várra dieđuid su joavkku Duolva Duoddara birra man eai diehtán ovdalaččas

Duolva Duottar čállá autográfaid
Foto: Sara Beate Eira / NRK

Guldal go Fred-René Ø. Buljo lei studios. (Musihkka lea čuhppojuvvon!)

Fred Rene Ø. Buljo Luo-Mus Mailmmis 16/5-08

Dá lea Duolva Duottar

Duolva Duottar lea ræppa-joavku ja lahttut leat eret Guovdageainnus ja Mázes, ja sii leat Ole Máhtte Gaup, Ivan André Skum, Anne Inger Marit Buljo ja Fred-René Øvergård Buljo.

Leaba Fred-René ja Ole Máhtte geat ráhkadeaba eanaš šuoŋaid. Joavku bargá dál cd-almmuhemiin, ja vuorddašit dušše ahte ožžot doarvái ruđa almmuheapmái.

Duolva Duottar
Foto: Sara Beate Eira / NRK

Hirbmat beakkánat oanehis áiggis

Joavku lea maŋemus áiggi beaggán máŋgga gilvvu dihte, maŋemus TV2š gilvvus Norske Talenter. Das beasai joavku gitta loahppagilvui, muhto das vuittii lávlu Erlend Bratland.

Musikk i Finnmark musihkkagilvvus "Mufi-star" das gal vuittii Duolva Duottar. Vuoitu lei 25.000 ruvnno.

"Dán jagáš artista 2007 Guovdageainnus" ja "Dán jagáš nuorra sápmelaš 2007" leat ges muhtun eará namahusat man Duolva Duottar lea ožžon.

Duolva Duottar lea leamaš oanehis turneas man Sápmi music ruhtadii, ja seamma turneas lei mielde ovddeš Tungtvann joavkku ræppár Jørg-1 DJan.

Duolva Duottar Árdna studios
Foto: Dan Robert Larsen / NRK

Golggotmánu 25. beaivvi 2007 lei joavku studioguossin NRK Sámi radio TV-prográmmas Árdna.