Duollji ja náhkki
Duollji lea dat mas ii leat gállu, dušše gitnalat. Gitnalat báhcet go gállu váldá eret. Govas oainnát gitnaliid mat leat báhcán goabbat beallái:
Duolji sáhttá geavahit vaikko masa, bidjat loaidduide, reahkavuođuide ja feara masa nu. Dološáigge lávejedje maid duljiin goarrut guppážiid mánáide, maid geavahedje goađis. Guppáš lea skuohppu man sisa bidje mánáid.
Náhkki lea mas gállu lea gitta. Dá oainnátge beaskanáhkki dahje miessadaga:
Beaskka gorrot dábálaččat borgenáhkiin dahje čeahpborgnáhkkiin. Borgi lea snilžža ja čeahpborggi gaskkas. Borgi ii leat nu suohkat iige nu njárbat.
Gáldut: Lásse-Jon Risten, Kirsten T. Gaup ja Ráikku Káre, Karen Utsi Somby.