NRK Meny
Normal

Duojárat vuovdaledje gálvvuideaset

Duodjemessas Leavnjjas ledje ollgat vuovdaleamen iežaset gálvvuid. Giehtaduojit geasuhedje.

Ragnhild Rasmussen dujiidisguin
Foto: Anne Olli

Ragnhild Rasmussen

Ragnhild Rasmussen lea áŋgiris gođđi, og son gal birrajagiid gođđa friddjaáiggis.

Foto: Anne Olli

Maiddái Ragnhild Rasmussena beavddis finadedje olbmot geahčadeamen su gođđon ja duhpejuvvon dávviriid. Iežas muitala gođđima leat alddis dakkáraš friddjaáigge doaibman, son gođđá álo. Ja lohká gođđima lea somás bargun.

Gođđon loabáhagaid son duhppe mášiinnas. Gođđá vuos loabáhagaid hirbmat stuorrát, ja de duhppe daid bassanmášiinnas. Lea gal maid geavvan nu ahte unno áibbas, danne ferte váruhit ja atnit čalmmis duhppema.

Duojár geahčadii duojáriid bargguid

Anna Persen

Anna Persen geahčada duojáriid gálvvuid.

Foto: Anne Olli

Olbmot vázze beavddis beavdái ja geahčadedje dujiid. Anna Persen bođii Ivvángođiidvuovddis/ Brennas oaidnit duojáriid dávviriid, muhto ii loga oasttán maidige danne son lea ieš duojár. Son gođđá, goarru ja čuoldá, muhto ii son dál lean searvan vuovdinmessai.