- Vierttip åvdep ja dálásj ájgev låggŋit

- Dát la vuohke gåktu dálla bessap åvdep ájgev ja dálásj ájgev låggŋit vaj bessap subtsastittjat gåktu politihkalasj árggabiejvve la sámijt vájkkudam.

Kun Frp sa nei under voteringen om sannhetskommisjon på Sametinget

Sámedigge dijmmá mierredij duohtavuodakommisjåvnnå galggá ásadalladuvvat. Dálla lij mandáhtav dasi biedjaminl ja dasi sihti álmmuga vuojnojt.

Foto: Berit Solveig Gaup / NRK

Dav javllá sámedikkeráde Mikkel Eskil Mikkelsen guhti de tjuodtjelij vahko rahpá uvsajt rabás tjåhkanimijda Evenássjen, Divtasvuonan ja Porsáŋgun.

Ja ulmme tjåhkanimij la álmmuk oadtju vuojnojt buktet mij guosská makkár mandáhtta duohtavuodakommisjåvnnåj galggá.

Álmmuk la ájnas

Tjåhkanimrájddo la badjelasj mánov vihpam, ja Sámedigge manát dal dán dálve ja gidá ålles Sámeednamav giehtotjit ja gulldalittjat majt álmmuk åvddånbuktá duohtavuodakommisjåvnå mandáhta birra.

Sámedikke barggo l má mandáhtav duohtavuodakommisjåvnnåj vaddet, ja sihtá álmmugis moalgedimijt dasi.

- Sihtap gullat gåktu dárojduhttem la sáme álmmugav vájkkudam måttij jagij tjadá, ja galggap dal ruvvaláhkáj mierredittjat mij la kommisjåvnå mandáhtta. Dajna lip de tjåhkanimijda gåhttjum gatjálvisáj birra makkár mandáhtta galggá, ja gåktu barggat.

Mikkel Eskil Mikkelsen

Mikkel Eskil Mikkelsen doajvvu ålos båhti dájda tjåhkanimijda vuojnojt buvtátjit.

Foto: Dan Robert Larsen / NRK

Moadda vásádusá

Mikkelsena miella la riek ájnas barggo álmmugav tjoahkkit ja bessat álmmugav vuojnojt buktet, ja buojkudahttá dav guovlov gåsstå iesj boahtá.

- Julevsáme guovlon la aj dárojduhttem álmmugav vájkkudam, sæmmi gå ietjá bájkijn Sámeednamin. Ja Divtasvuonan dal diehtep moadda vásádusá ma lij merkav ulmutjijda biedjam dagu dal dåbdos Boligaksjonen soames lågevgjage dás åvddåla, ja rájáoahpestiddje nuppát værálddoaron gåktu Vuona stáhtta sijáv tjuovvun doaro maŋŋela.

- Dát barggo galggá lagábuv gæhttjat jur mij la dat, ja de biedjat dáv stuoráp gåvvåj gåktu l dárojduhttem sámijt vájkkudam.

Tjåhkanimrájdd joarkká tjuodtjelij vahko Evenássjen, Divtasvuonan ja Porsáŋŋgun.