– Divtasvuonaga lij juo dakkár bargguj hárjjánam.

– Måttijt jagijt lij dal divtasvuonaga duohtavuoda- ja såbadimbargguj hárjjánam. Dav tjuottjot akta oasseválldijs gå Sámedigge ásadij tjåhkanimev makkár mandáhtta galggá gå dal duohtavuoda- ja såbadimkommisjåvnnå ásaduvvá.

Stortingets behandling av sannhets- og forsoningskommisjon

Barggijbelludagá sámedikkeájrrasa Jørn Are Gaski ja Ronny Wilhelmsen Stuorradikken dijmmá gå duohtavuoda- ja såbadimbarggo danna dágaśtalladuváj.

Foto: Dan Robert Larsen / NRK

– Divtasvuonaga lij juo dakkár bargguj hárjjánam.

Dav tjuottjot Ingar Nikolaisen-Kuoljok Divtasvuonas guhti vásse vahko besaj Sámedikke åvddåj vuojnojt buktet duohtavuoda- ja såbadimkommisjåvnå mandáhttaj.

Åvdep barggo la viehkken

Stuorradigge l má mierredam duohtavuoda- ja såbadimkommisjåvnåv ásadit mij galggá vierredahkkev guoradallat mij la sámij ja guojnaj vuosstáj dagádum Vuonan.

Vuona Sámedigge l bargov oadtjum mandáhtav biejatjit mij bargojt galggá dán kommisjåvnnåj, ja vásse vahko besaj álmmuk sámedikke åvddåj vuojnojt buktet álmmuktjåhkanimen Divtasvuonan.

Ingar Nikolaisen Kuoljok

Ingar Nikolaisen-Kuoljok ij iehpeda dárbbo l dákkár bargguj mij la jådon.

Foto: Simon Piera Paulsen / NRK

– Dát la barggo majna divtasvuonaga lij måttijt jagijt barggam, ja jur dán bargguj vuorddep dal álgaduvvá, javllá Nikolaisen-Kuoljok ja nammat bájkálasj duohtavuoda- ja såbadimbarggo juo jagen 2005 jåhtuj bådij dan guovlon. Nikolaisen-Kuoljoka mielas la dat barggo viehkken læhkám dan gáktuj.

Boahtte buolvva viertti dassta bessat

Nikolaisen-Kuoljok ij iehpeda duohtavuoda- ja såbadimbargguj la dárbbo.

– Julevsáme dal viertti åvddånbuktet dájt alvos subttsasijt ma lij aj boasto, ja buoremus la dájt fábmogis kommisjåvnå åvddåj buktet vaj subtsastiddje rabás mielajn máhtti dájt åvddånbuktet nav vaj boahtte buolva dat bargos bæssá.

Mikkel Eskil Mikkelsen

Sámedikkeráde Mikkel Eskil Mikkelsena mielas de divna guovlo ålles Sámeednamin vierttiji dán bargon bærrájgåtseduvvat.

Foto: Torgeir Varsi / NRK

Sámedikkeráde Mikkel Eskil Mikkelsen lij sámedikke bieles Divtasvuonan.

– Moadda buorre ájádusá lij dal dánna åvddånboahtám, ja ma lij ájnnasa tjoahkkit ja vijddásappot buktet dán mijá prosessan åvdås gå Sámedigge dav giehtadallá.

– Ájnas la aj vaj álmmuk bæssá subtsastittjat vaj sáme álmmuk dåbddi sij æjggu dáv bargov.

Gehtja aj: Duohtavuodakommisjåvnå mandáhtta la bargo vuolen