Duoguštedje vuodjinkoarttaid

Sihke Oarje- ja Nuorta-Finnmárkkus leat politiijat duoguštan vuodjinkoarttaid odne. Mázes bissehedje politiijat guoktása, geat vurrolagaid vujiiga menddo leavttuin. Guktot mihtiduvvuiga nu alla leavttuin go 170 kilomehtera tiimmus, gos leaktorádji lea 90. Skiippaguras Deanus massiiga maiddái guokte biilavuoddji vuodjinkoarttaid, gokko lea leaktorádji 60 kilomehter tiimmus. Nubbi vujii 89:s, nubbi ges 101:s. Dáid dieđihastet Finnmárkku politiijat.