NRK Meny
Normal

Duodji ođđa geahčastemiiguin

Professor Gunvor Guttorm lea čállán ođđa girjji mas digaštallá máŋga beali duojis.

Gunvor Guttorm

Gunvor Guttorm

Foto: Thoralf Balto

Ođđa girjjis,"Duodjáris Duojárat - nu guhká go olbmot duddjojit bistá duodje-digáštallan", dás sáhttet váikke geat ávkkástallat, lohká Guttorm. Girji heive erenoamážit sidjiide geat barget dujiin.

Artihkkalčoakkáldagat girjin

Gunvor Guttorma ođđa girji

Gunvor Guttorma ođđa girji

Foto: Thoralf Balto

Girji lea artihkalčoakkáldat mas son digaštallá máŋga beali duojis. Nugo duodji tearbma mearkkašumis, hutkáivuođas ja birrasis, ávdnasiin, hápmemis ja loahpageahčen čállá son feministtalaš láhkoneamis duodjái ja árbevirolaš ja ođđamállet duojis.

Girji lea joatkan su iežas doavttergráda barggus. Ieš lohká Gunvor Guttorm dán girjjis čállit dipmaduojis ja duojis maid nissonolbmot árbevirolaččat leat duddjon áiggid čađa.

Girje almmuhuvvun Johkamohkis

Girjealmmuheapmi lei Ájtte museas Johkamohkis guovvamánu 2. beaivvi. Das oassálastii girječálli Gunvor Guttorm ieš.