Normal

Duodjedállosáváldat ollašuvvan

Dál lea sis duodjedállu Vuonabađas, dat illudahttá Nuorta Finnmárkku duodjebagadalli Magnhild Mathisena. Dál besset nuorat duddjot.

Magnhild Mathisen
Foto: Nils Henrik Måsø / NRK

Ovdal juovllaid muitalii Nuorta Finnmárkku duodjebagadalli Magnhild Mathisen ahte su stuorimus sávaldat lei fidnet duodjedálu juovlaskeaŋkan Nuorta Finnmarkku duojáriidda. Dál duođas illuda, go duojárat leat fidnen duodjedálu Vuonnabahtii.

Háhkamin mášiinnaid

Mathisen muitala iežas dál háhkamin goarronmášiinnaid ja eará ávdnasiid maid duojárat dárbbašit go galget duddjot sámi dujiid. Sis lea dál latnja vuogasis báikkis Vuonnabađas.

Sávvá ollugiid searvat duddjot dálus

Nuorta Finnmárkku duodjebagadalli Magnhild Mathisen sávvá sihke nuorat ja boarrasat olbmuid searvat duddjot dálus. Muhtimiid lohká juo duddjogoahtán dálus, ja earát ges finadit geahčadeamen ja ságastallamin. Almmolaš rahpan lea farga, guovvamánu álggus.