Duhtavaš nominašuvnnain
Son lohka leat duhtavažžan maŋŋil go nominerejuvvui Nuortaguovllu Bargiidbellodaga válgalistu njunnošiin ja maiddái sámediggepresideanta evttohassan, dadjá Deatnulaš Elisabeth Erke. Bargiidbellodat vállje loahpalaččat bellodaga evttohasaid ođđa nominašuvdnačoahkkimis, mii dán mánu loahpageahčen lágiduvvo Leavnnjas. Erke lohka ožžon doarjjacealkámušaid ja mieđiha ahte lea garra bargu ovddabealde.