Duháhat vuosttaldit Spánja
"Independencia, independencia!" huiket catalonialaččat Barcelona gávpogis otne. Olbmot leat čoahkkanan duháhiid mielde Barcelonai, dieđiha aviisa La Vanguardia. Sii háliidit beassat sierra riikan, ja gálgašuvvot Spánjas. Golggotmánu 1. beaivvi galget catalonialaččat beassat jienastit ahte háliidit go sierra riikan, muhto Spánja eiseválddit Madridas oaivvildit dán jienasteami lobiheapmin, ja leat bidjan politiijaid bissehit jienasteami. Máŋga millijovnna jienastanlihpput leat duoguštuvvon.